O LE SUAFA SATELE MAI VAILOATAI

 

O le fa’amasinoga a Moso’oi ma Faga i le tausaga e 1926 na tala ai e Afoa le gafa o Satele e fa’apea:

 

O le masiofo(Queen) Salamasina, o le afafine o Tuia’ana Tamaalelagi. Sa tausia o ia e Mata’utia. O ia fo’i e aiga i matai maualuluga uma o le Atu Samoa.

 

Ae le’i nonofo Salamasina ma Tapumanaia, sa avea o ia ma taupou a Mata’utia. Sa ma’itagata Salamasina i le manaia e suafa ia Alapepe ‘ae le’i nonofo ma Tapumanaia. Sa fasioti e Mata’utia le tama o Alapepe ina ua maua le tala ua ma’itagata ai Salamasina. Ina ua fanau Salamasina, sa fa’aigoa lana tama ia Tapumanaia Jr.

 

A’o laitiiti Tapumanaia Jr. sa ave’eseina ma tausia e Taloolema’agao ma Tofuaiofoia, e fai ma a la’ua ali’ita’i maualuga i le nu’u o Salani i Falealili. Sa tauaveina e ia le suafa o Tapuolesatele ina ua matua.

 

O LE FA’AMASINOGA A SATELE SOLOMONA FAUMUINA SA TALA AI LONA GAFA (1948)

 

Na usu mai Tapumanaia i le tupu tafa’ifa o Salamasina fa’ae’e le gafa o:

1. Tapuolesatele (Tapumanaia Jr)
2. Fofoaivaoese(f)

 

E lua usuga a Tapulesatele

Na usu iā Gasegaseivao le afafine o Tapusoa i Falefa, fa’ae’e le gafa o le tama o:

1. Tapulesatele Alaifea

Na toe usu iā Tatinifaiva’atele le afafine o Tailua i Salani, Falealili fa’ae’e le gafa o le tama o:

1. Tapufauitua

 

O le tama lenei o Tapulesatele Alaifea, na usu iā Aloilenei le afafine o Faiivae i Leone fa’ae’e le gafa o le tama o:

1. Talifaitasi ( O le ulua’i nofo lea i le suafa Satele ina ua sau i Tutuila nei)

 

Satele Talifaitasi

 

O le ulua'i Satele lea i totonu o Tutuila ma Manu'a

Na usu i le tama’ita’i e suafa iā Tagimasūsū Leutele mai Falefa fa’ae’e le gafa o:

1. Taetafa ( O le tama lea sa nofo i le suafa Satele. O le Satele lenei ua fa’atu lona itumalo o Tualatai)
2. Maufaoa(f)
3. Osiosigagau(m) (O le tama lenei sa aumai mai Malaeloa e fai ma uso fautua o Taetafa.)

 

Satele Taetafa/Taeatafa

 

E lua usuga a Taetafa. 

Na usu i le afafine o Salausa i Ta’ū, Manu’a fa’ae’e le gafa o le tama o:

1. Tita’e

 

Na toe usu i le afafine o Vaotu’ua mai Leone fa’ae’e le gafa o le tama o:

1. Moasegiatu

Satele Tita’e

 

Na usu iā Fulisia le afafine o Tuialu’ulu’u i Ta’ū, Manu’a fa’ae’e le gafa o:

1. Moa(m)
2. Patai(f)
3. Sio’ea(m) ( O le tama mai i le āiga o le tinā o Satele Tita’e)

 

Satele Laauletaupoga

 

O Satele Laauletaupoga o le tama a Maufaoa le tuafafine o Satele Taetafa. O Maufaoa na usu mai iai Leutele o Falefa, fa’ae’e le gafa o le tama o:

1. Laauletaupoga

Na usu Satele Laauletaupoga iā Paepae le alo o Poloali’i, fa’ae’e le gafa o:

1. Va’alulu(m)
2. Leuiga(f).

 

Satele Moasegiatu

 

Na usu iā Tupea le afafine o Lealaimatafao i Iliili, fa’ae’e le gafa o le tama o:

1. Sauali’i

O isi usuga a Satele Moasegiatu na maua ai

1. Tosi

 

Satele Sauali’i

 

O le Satele lenei na maliu i le taua a Alataua ma Tualatai i Leone. 

(Fa’amaonia i le fa’amatalaga a Olo i le fa’amasinoga a Faga ma Moso’oi i le tausaga e 1926).

 

Na usu Satele Sauali’i i le alo o Aumavae fa’ae’e le gafa o le teine o:

1. Maotua(f)

 

Satele Vaalulu

 

O Va’alulu o le alo o Satele Laauletaupoga.  O le tama lenei o Vaalulu e lua ana usuga.

Na usu i le afafine o Luamanuvae i Salelologa fa’ae’e le gafa o:

1. Fati(f)
2. Pi’ilagi(f)

 

Na toe usu iā Mele le tama’ita’i Lalomanu i Aleipata fa’ae’e le gafa o le teine o:

1. Tafia(f)

 

Satele Sio’ea

 

O Sio’ea o le atali’i fai a Satele Tita’e. ( O le tama mai le āiga o le tinā o Tita’e i Manu’a). O le Satele lenei e suli mai mai ai Talili po ‘o Saitaalili.

Satele Uga

 

O Uga o le great grandson a Siosiga’au(Osiosiga’au). O Siosiga’au/Osiosigagau sa fai ma uso o Satele Taetafa. Sa aumai o ia i Malaeloa e fautua iā Taetafa ina ua fa’atuina le itūmālō o Satele e ta’ua o Tualatai. O Siosiga’au/Osiosigagau na usu iā Maluapapa le tama a Faaua ma Fagama’a fa’ae’e le gafa o:

1. Siosiga’au Jr
2. Fata(f)

Usu Siosiga’au Jr. i le tama’ita’i Upolu fa’ae’e le gafa o le tama o:

1. Moso’oi Tuapi’o

Moso’oi Tuapi’o na usu i le afafine o Toilolo e suafa iā Tupuilagi i Pavaiai fa’ae’e le gafa o:

1. Uga
2. Itula
3. Malupeau Satele(f)

O Uga la lea sa nofolua ma Satele Pili i le suafa Satele

Satele Uga na usu i le afafine o Vaivao e suafa iā Legalo i Pago Pago fa’ae’e le gafa o le tama o:

1. Ti’o Moso’oi po ‘o Moso’oi Vaivao Satele

Toe usu Satele Uga iā Sasauli le  afafine o Sotoa i Manu’a fa’ae’e le gafa o:

1. Teutusi

O Maufaoa o le afafine o Satele Talifaitasi le ulua’i Satele i Tutuila. Na usu iai Leutele mai Falefa fa’ae’e le gafa o le tama o Satele Laauletaupoga. Usu Satele Laauletaupoga iā Paepae le alo o Poloali’i i Leone fa’ae’e le gafa o le tama o Satele Vaalulu ma le teine o Leuiga. O le teine lenei o Leuiga na usu mai iai Saifaleupolu Salanoa mai Lauli’i i Tutuila fa’ae’e le gafa o le tama o Satele Pili. ( O Satele Pili na tagavaleina i le aupega malosi i Leone i le po, ao faia se taumafataga ma si ana fanau.) ( Assassinated in 1897).

 

Satele Pili

 

Sa nofolua ma Satele Uga i le suafa Satele. E to’alima usuga a Satele Pili.

 

Usu Satele Pili iā Leitu le afafine o Tua’i i Safune, fa’ae’e le gafa o le teine o:

1. Moema’u’u(f)

Usuga lona lua na usu ai i le afafine o Tialavea i Faleapuna fa’ae’e le gafa o le tama o:

1. Pili Jr.

Usuga lona tolu na usu iā Fa’aleo Molio’o le alo o Puletūimālō Savusa Molio’o i Leone fa’ae’e le gafa o le tama o:

1. Faga ( O ia lea sa nofo i le suafa Momo’isea i Amaluia i le tausaga e 1938).

Usuga lona fa na usu ai i le afafine o Alo i Fagasa fa’ae’e le gafa o le teine o:

1. Fagaga(f)

Usuga lona lima na usu iā Lesili le afafine o Faumuinā i Alofau fa’ae’e le gafa o:

1. Solomona Faumuinā
2. Tumua’i(f)

 

Satele Itula

 

O le Satele lenei o le uso o Satele Uga. E pa, e leai ni ona suli. Satele Itula na usu iā Tali le alo o Tuitele i Leone, e leai se suli. O le tama’ita’i lenei o Tali na usu iai Mataafa fa’ae’e le gafa o le teine o Fofoa.

 

O le Satele lenei o le ulua’i Kovana i le Falelima i Sisifo i le tausaga e 1901.

Satele Ti’o Moso’oi

 

O ia o le atali’i o Satele Uga. O ia fo’i lenei sa fa’amasino ma Faga i le suafa o le Satele i le tausaga e 1926.

Usu Satele Moso’oi iā Tupito le alo o Fuga i Pago Pago fa’ae’e le gafa o le teine o:

1. Siniva Moso’oi Satele(f)

O le tama’ita’i lenei o Siniva na usu mai ai Rev. Teleso Samasei’a fa’ae’e le gafa o:

1. Tauto’oto’o Elekana
2. Teleso Jr. ( O le tama lea sa nofo i le suafa Fuga i Pago Pago)
3. Leutu ( O le tama’ita’i lenei sa nofo i le suafa taupou o le Satele o Leilua)
4. Lagoe’e Sei’a(f)
5. Ruth Tu’u Wilhemina Teleso Satele Ma’ilo(f)

 

Satele Teutusi

 

O ia o le atali’i fo’i a Satele Uga. O lona tinā o le afafine o Sotoa i Manu’a.

(O Faga o le atali’i o Satele Pili, sa toe fa’amasino ma Satele Teutusi i le suafa o le Satele i le tausaga e 1936).

 

E lua usuga a Satele Teutusi:

 

Usuga muamua na usu iā Fa’apulou Saunoaga Fiatele Falealili fa’ae’e le gafa o le tama o:

1. Penu Satele ( O le tama lenei na vaetama e Satele Faumuinā)

Ua toe usu Penu i totonu lava o le āiga o Faumuinā i le tama’ita’i o Mana’oloto Faumuinā fa’ae’e le gafa o tama e to’alima:

1. Penu Jr.
2. Suafa’i
3. Simona
4. Malaeimi
5. Herota

 

Usuga lona lua na toe usu ai Satele Teutusi iā So’oletala Fonoti/Tuiasosopo fa’ae’e le gafa o:

2. Siutu( O le tama’ita’i lenei o le isi ona igoa o Salamasina)
3. William(Viliamu) Satele ( O le tama lenei sa fagaina Fili ina ua manumālō i le suafa i le tausaga 1985).
4. Moasegiatu ( O le tama lenei sa malilie uma iai le āiga e nofo i le suafa 1958)
5. Papu Teutusi Satele

1. Fa’animo Teutusi Satele Leleua(f)
2. Suāvaitoto’oolevaifagaloai Asofitu Teutusi Satele A’etonu(f)
3. Lautoa Teutusi Satele ( Sa nofo i le suafa Aioletuna)
4. Paueli Teutusi Satele (Sa nofo i le suafa Fonoti)
5. Salamasina Teutusi Satele(f) 1920-2005
6. Galumalemana Teutusi Satele ( O le tama lenei sa nofo i le suafa Satele i Vailoatai)

Satele Solomona Faumuina

 

O ia lenei e suli mai ia Satele Pili. O le usuga a Satele Pili iā Lesili i Alofau. O le Satele fo’i lenei sa fa’amasino ma Viliamu ma isi i le suafa i le tausaga 1948.

 

Usu Satele Solomona Faumuina iā Va’asa Fonoti le uso o So’oletala Fonoti/Tuiasosopo lea na nonofo ma Satele Teutusi e leai ni suli, ae na’o tama fai.

1. Penu ( Vaetama mai iā Satele Teutusi)
2. Tofu po ‘o Va’atofu(f) ( O le teine na vaetama mai iā Fonoti)

Satele Moasegiatu

 

O ia e suli mai iā Satele Teutusi. O le Satele lenei sa malilie iai le fanau a Faga e nofo i le suafa ina ua talanoaina. O le Satele fo’i lenei sa taupou ai le grand daughter a Faga e suafa iā Ernestina i le suafa Leilua i le tausaga 1958.

 

Usu Satele Moasegiatu iā Matai’a Avai’u Solifesuia’i Mauigoa le alo o le faifeau mai Upolu fa’ae’e le gafa o:

1. Lefagaoali’i(f) ( Sa fai ma faletua o le Kovana Sili o Amerika Samoa. Na usu mai ai Tauese Tuailemafua Pita Fiti Sunia le Kovana o Amerika Samoa 1996-2003)
2. Suavai Satele Tagaloa(f)

 

1. Avai’u Satele Moasegiatu(f)

 

Satele Uoka Momo’isea

 

O ia e suli mai iā Satele Pili. O le atali’i o Faga Momo’isea Satele. Sa fa’amasino o ia ma Viliamu, Fili ma isi i le suafa o le Satele i le tausaga e 1985. Sa nofo o ia i le suafa ina ua maliu Fili sa mālō i le fa’amasinoga. Talu ai o Fili ua fasioti e Viliamu i le laau malosi(faga), na toe iloilo ai lea le tōfā a le fa’amasinoga ia le tama lenei  o Uoka e nofo i le Satele. Sa nofo o ia i le suafa mai le tausaga 1986-1996.

 

Satele Uoka Momo’isea na usu iā Papa mai Pago Pago fa’ae’e le gafa o le teine o:

1. Lona(f)

Toe usu iā Mega le alo o Samana mai Leone fa’ae’e le gafa o le teine o:

1. Kalala(f)

Toe usu iā Sifale le alo o Laloulu i Nua ma Seetaga fa’ae’e le gafa o:

1. Laau
2. Sefo
3. Malia(f)
4. Lusi
5. Lusia(f)
6. Paulo (O le tama lenei sa nofo i le suafa Momo’isea i Amaluia)
7. Uoka Jr.

Satele Galumalemana Teutusi Satele

O lona soifua mai i ona matua o le afioga Satele Teutusi Satele ma lona tina o Sooletala Satele ia Iulai 29, 1942. O ia lea o le ui'i o le fanau.

Na avea o ia ma tagata faigaluega a lona malo ina ua maea fa’au’u mai le Kolisi Tuufa’atasi a Amerika Samoa  ma galue ai i le Ofisa o Oloa a le tatou Malo. Soso’o lea ma le avea ma Pule Sili o le Ofisa o Tiute a le tatou Malo. O le tausaga 2017 na mua’i ulufale ai i le Fono Faitulafono e avea ma Senatoa o lona Itumalo, peita’i o lona toe nofoia nei o le Nofoa o le itumalo mo le nofoaiga lona 37 ai lenei ua le mae’a, ae ua amia o ia e malolo mai lona matai. 

I lana tautua i le Maota Maualuga sa avea ai o ia ma Sui Taitaifono i le Komiti o le Enetia, Uila ma le Suavai Taumafa. O lo’o ua lisia fo’i ma isi Komiti sa avea o ia ma sui totino i le Maota Maualuga.

I lana tautua i lana Ekalesia Fa’apotopotoga Kerisiano i Vailoatai ua mautu ai lona tofi Tiakono. Peita’i o le isi ana ekalesia o le Ekalesia a Iesu i Pago Pago, sa avea ai o ia ma Taitaipese mo le tele o tausaga.

E lua ekalesia sa tautua ai o ia i lona soifuaga, o le EFKAS i Vailoatai lea ua toe fo’i i ai o ia ina ua tusilima lona aiga Sa Satele e na te tauavea le suafa Satele mo le aiga.

I le taimi lea sa usuina lemu mai le vi’i o Vailoatai e le aufaipese a le Fono ae o lo’o vala’auina se sui o aiga e oo ane e taua’ao i ai le Iugafono Malilie Fa’atasi a le Fono Faitulafono.

O le afioga le Augafa’apae o le Aiga Sa Satele, le afioga Leilua Leutu Soliai sa tula’i e avea ma sui o aiga e talia lea iugafono mamalu.