AFIOGA I TO'OTO'OALI'I IA ASO'AU OFISA MA ASO'AU TUISALIA
FA'ALUPEGA
Afio lau afioga Aso’au o oe o le to’oto’oali’i
Susū ali’i o le gafa
(Ma’o, Ta’ita’i, Liva, Ti’a, Tuisalia, Seigafo, Vaitautolu)
Ma ‘upu iā te oe le Faleasao
Tulouna le pa’ia tele o le afio’aga, o pa’ia mai le vavau e o’o i le fa’avavau, tau ia ina ‘ou saua i le va ‘ina ne’i o’u malaga loa ae se’i o’u afeaina lape o upu i sala le gagana, auā e faigatā Samoa o le aomamala i le fa’asouga o ao ma le atufolasa. O le pa’ia ma le mamalu maualuga o le afio’aga i ona tulaga fa’alupelupeina. Aiga o tupu, Aiga o pāpā, Aiga o nofo. E leai se na te gafataulimaina, auā ua ta’o’oto a’o ni alao’o. O le fale tulutulu i tao a’o le fale fo’i e tulutulu i moana. O le vao filifili, o le fue lavelave, o le i’a iviivia, fai mai a sēsē lona auauina, e laoa ai le tagata, tulou. O le ala fo’i lea ua si’i ai lo’u va’a, e ala i le mafua ali’i ua laga, ona o lo’u fia pa’i i le vai o le tama talu ‘ata ua totō o le ‘ava. E i ai ona ‘ou valuvalusia a’a o le la’au pe tēfā le tauala i le tōfā ma le faautaga i le pa’ia o le afio’aga ua mafua ai ona ‘ou le utuvai i le fuiniu, ‘ae ua ‘ou utuvai i le fuisa’a e afua atu i lenei galuega, sa fa’atalatalanoa ai ni isi o tua’ā matutua ma toe ulutaia o le afio’aga ua mafua ai ona tatala le ato ponapona e ala i le fa’asoa.‘E leai se ‘atoa i le liu o lo’u va’a pe ana le o gatasi ma le finagalo o le Atua, semanū e atafasaina fa’afuga o la’au e to’ulu lenei faamoemoe . E matua atu iinā, ‘o ‘oe o le matua faitama.
‘Afai e iai se mea e fa’aletonu i luga i lenei 'upega o tafa’ilagi, ia fa’amagalo le auauna, auā ‘ou te talitonu o lou leo o le a manuia ai lenei taumafaiga vaivai. E poto lava le tautai, ae sēsē ma 'ela ai le va'ai.
EKALESIA FA'APOTOPOTOGA KERISIANO AMERIKA SAMOA (EFKAS) I FALEASAO
MALAMALAMA O LE TALALELEI
SUAFA "MUAŌ" I FALEASAO
Tusitala: Kome Fa’auifono
Sa iai se toeaina matua o le nu’u o Faleasao, e iai lona fanua galue i le nu’u gaogao o “To’a”. Fai mai a’o fai le tuliga a le ‘au uso mai Fitiuta i le gaoiina mai o “ao”, sa asa mai le tama lea mai i luga o mauga ma fa’aifoifo mai i lalo o To’a. O le aso tonu lea sa fai ai le galuega a si toeaina matua lea i lona fanua i To’a. Sa ia fa’alogoina le malomaloā o le tuliga ‘aemaise le tama laitiiti lea ua le to’a ona o lo ‘o tuli mai e le uso matua ma le “aumaga a le Folasa”. O iinā i le lau’ele’ele sa to’a ai le sela o le tama ma tau maua ai se malōlō i se taimi pu’upu’u, ona toe fa’aauau lea, ma o le mafua’aga lea na maua ai le igoa o le nu’u lea o To’a auā sa to’a ai le tamo’ega a le tama a’o tuli mai i Fitiuta.
Sa lagona e le toeaina le li’a o lona tino, ‘ua na iloaina fo’i le mea o lo ‘o tupu. Ua iloa e le toeaina o le tama lea o lo ‘o tuli e momo’e, ‘ae o lo ‘o fa’apepepepe ifo ao i ona luga. Ona tuliususū lea ma fa’aumuumu lea o le toeaina, ma muaō ai lava fa’asolo atoa. Sa lagona i le ‘a’ai le muaō a lenei toeaina, ona fa’apea lea o tamā o le nu’u, “ona e talu ai ona sa e muaō i le ‘aumaiga o ao mai Fitiuta, o lea ua matou iloa ai le mea ua tupu, o le ‘a ‘e suafa ia Muaō. O le mafua’aga lea o le suafa Muaō i Faleasao e fa’asino tonu lava i le āiga o le afioga i le sa’o iā Leulua’i i Falesoā.
O LE UMU LE FU'EA I FALEASAO
O le umu le fu’ea i Faleasao na mafua i le matematega a le tupu o Tuimanu’a ma Malietoa. Sa fesili ai Tuimanua i le Malietoa pe toe maua mai se tula o lana manu. Ona toe fo’i lea o Malietoa ma su’e solo fai vai ma taulaitu o Upolu ma Savaii e su’e se tali o le tupua a le Tuimanu’a.
Sa matuā fa’amaualuga le Malietoa, ua na mauaina le tali o le tupua, ona latou autova’a ai lea ma ana tulafale ua malaga mai ma le lau la’au o le “Salako” ma le manatu o le tali lea o le tupua. E na’o Amouli i Ta’ū e maua ai le “Sasalako”. Ua taunu’u le malaga a Malietoa i eleele o Manu’a, ona fa’apea lea o Tuimanu’a: “ E leai, e lē o le tali lea o lana tupua, ona to’atāma’i lea o le Malietoa ma fa’asala ai ma ana tulafale na latou malaga mai, ua tao i le umu sa faia i luga o Faleasao i le va o Fa’asamene ma To’a. Sa fa’apenā ona aveeseina uma tulafale nei ma lafo i le au ona tatafe lea aga’i i Upolu ma Savaii. O le isi lea pinefa’amau ua mafua ai ona sauga ma manogi leaga figota o le sea po ‘o fagu sea aina i Upolu ma Savaii ae lelei pea iā Manu’a.
O le isi pinefa’amau, o le la’au na pusa ai le umu o le “Alala”. E o’o mai lava la i le taimi nei ua matuā tele le alala o lo ‘o ola solo ai Fa’asamene ma To’a. O lalo mai o le mea sa fai ai le umu, e iai le pupū, o luga a’e o le pupū, e iai le aga aga’i i luga i le mea sa fai ai le umu. O autafa o le aga, o lo ‘o iai le ‘ele e matuā malosi lona lanu mumū, masalo o le eleele po ‘o le palapala o tulafale na tafe mai i luga i le mea na fai ai le umu. E o’o mai lava i nei vaitau, e le’i fu’ea lava lea umu. A fesili pe fia umu le fu’ea, e na’o le lua, tasi i Faleasao ma le isi i tai i le faleluanu’u i Ofu ma Olosega.
O MATAI I LE AFIO'AGA O FALEASAO
Asoau
Asoau Maugatele
Asoau Sea
Asoau Tuataga
Asoau Mausali(Tilivala)
Asoau Filifa’atali
Asoau Vaipuata
Asoau Taiga
Asoau Tuisili
Asoau Tamasoa
Asoau Fa’asulu Tumanuvao
Asoau Ofisa/Asoau Tuisalia
Asoau Tumanuvao Robert Porter
Malau’ulu
Malau’ulu Su’evale
Malau’ulu Fasimoli Lua’ulu
Ti’a
Ti’a Tuvale
Ti’a Kolone Su’evale Polu
Ala(Alailefale’ula)
Ala Galeva’a(Agaleva’a)
Liua
Liua Tuelu
‘A’au
‘A’au Iotamo
‘A’au Itumālō
‘A’au Tu’ugasala
Taifa’i
Taifa’i Toma
Seupule
Seupule Faifale
Tuioafea(Tuiofea)
Tuiofea Tu’ese
Tuiofea Aloalo
Le’ula
Le’ula Utusilia
Le’ula Fa’alolo’i
Le’ula Ioelu Tali
Le’ula Tu’ese Tali
Tuilagi
Tuilagi Gasese
Ma’o
Ma’o Pine
Ma’o Sofala
Ma’o Tima
Ma’o Saifoloi Ameperosa
Ma’o Fa’auma Gogo
Tiliai’a
Tiliai’a Vaovasa
Tiliai’a Me’i(Feme’ia’i)
Tiliai’a Ioasa
Tiliai'a Lelologatele Iutisone Tiliai'a
Tela
Tele Va’a
Leulua’i(Leulua’iali’i)
Leulua’i Fa’asalalau
Leulua’i Mareko
Satialemoa
Satialemoa Ufiufi Ma’o
Moetulu’i
Moetulu’i Sailitai
Moetulu’i Tuivale
Moetulu’i Tufa I’uvale
Moetulu'i Sipili Upuia Fuiava
Seigafo
Seigafo To’a Asoau
Vaitautolu
Vaitautolu Tupua
Vaitautolu Va
Vaitautolu Leaoga
Vaitautolu Tapuloa Liugalua Vaitautolu
Vaitautolu Fa’afetai Talia(I’aulualo)
Tualauoso
Tualauoso Lilo
Tualauoso Fesuia’i
Tualauoso Taulaga
Tualauoso Amate
Gogo
Gogo Lauvao
Gogo Pouli
Gogo Sofi Sifaga
Tapuloa
Tapuloa Moeava
Tapuloa Fa’alavelave
Tapuloa Liugalua Vaitautolu
Umu
Umu Fagafaga
Umu Tiati
Umu Lemalu
Mauga
Mauga Tu’iuli
Mauga To’ele
Mauga Nofoa
Fui’ava
Fui’ava Mausali
Fui’ava I’uvale
Fui’ava Tafale U.
Fui’ava Bert Fui’ava
Na’a
Na’a Galeva’a
Ta'ita'i
Leovao
Leovao Lulu
Leovao Fa’atigā
Lefotu
Lefotu Felei
Lefotu Faivale
Lefotu La’auli
Lefotu Saifoloi M. (Seugagogo)
Fa’asulu
Fa’asulu Faga’ese
Fa’asulu To’ele
Asi
Asi Liuafi
Asi Vaovasa Ma’o
Matagi
Matagi Agatau
Matagi Tuiava
Matagi La’auli
Matagi Saipele Matagi
Muao
Muao Fatilua
Muao Masunu
Muao Manamea Valoia
Muao Mulivanu
Muao Samu Muao
Taule’ale’a
Taule’ale’a Tinei
Polu
Polu Su’evale Fuatau Malau’ulu
Polu Pe’a Su’evale Polu
Ui(Uiagalelei)
Uiagalelei Sosene
Uiagalelei Gafoa Lea’eno Savali
Si’i(Si’ionailevai)
Si’i Fa’atatu
Fetui
Fetui Fa’aofo
Sao
Sao Talalasi
Sao Malaetele Tiliai'a
Tufi
Tufi Saluvale Iosefa
Tumanuvao
Tumanuvao Me’i(Feme’ia’i)
Tualemoso
Tualemoso Tipaoa AhSoon
Tualemoso Pine Ma'o
Taotoai
Taotoai Fesuia’i
I’aulualo
I’aulualo Va
I’aulualo Faafetai Talia (Vaitautolu)
Fala
Fala Mata’aevave Ma’o
Tali
Tali Ieti
Lemaugalega
Lemaugalega Agaleva’a Noa
Se’imalevai
Se’imalevai Mautofi
Nainai
Nainai Aliipule Malau’ulu
Lemaugaliulaumea
Lemaugaliulaumea Siliga Auimatagi
Maugalegatele
Maugalegatele Fa’atui Leaisefeau Asoau
Loiloi
Loiloi Iotamo Laulu
Seugagogo
Seugagogo Saifoloi M. Lefotu
Liva
Liva Solomuli Maluia
Pele(Mulitauaopele)
Mulitauaopele Uli
Mulitauaopele Fa’auma Gogo
Tuisalia
Tuisalia Asoau
FALEASAO, MANU'A. Traditional Samoa Siva by Faleasao Manu'a.
Filmed by : Tuiātaga Fa’afili A.L Fa’afili t/a VIDEO AAU
O LE ANA O "PU 'AI O'O" I LE AFIO'AGA O FALEASAO
