O le mafua’aga o le igoa Avaloa ma le suafa Alalamua

 

O le fa’atafa gasegase o le tupu sa iai i le mauga o ao.

 

Na alu lea o le logo i tulimanu e fa o Samoa. Ua fa’atafa gasegase le tupu o Samoa.

Ua logo atunu’u ‘ese’ese, ia tofu le atunu’u ma le fa’amoemoe, o le a faimalaga, auā ua aumai le tala, ua tigāina le lagi fa’atafa o le tupu o Tuimanu’a. Ua faimalaga le atunu’u, ma ‘ua taunu’u i Ta’ū Manu’a. O le ‘ele’ele lenei o “Avaloa”, o le mea o lo ‘o iai le ava, ua fa’apea le saunoaga a le tupu ‘ātoa ma le faletolu ma to’oto’o, “Sau oe le tulafale e te alu e tu i le matāfaga, ‘ā taunu’u le atunu’u, o le ‘a malaga mai, e tofu le atunu’u ma lana vai, ‘e aumai mo le fa’atafa gasegase o le tupu, auā ua tālā i fafo tala o lona lagi fa’atafa.

 

O le igoa o le tulafale lea sa alu, na tu e fa’atalitali le atunu’u māna talia o Tupua Taliva’a. Taunu’u lea o le atunu’u, o le tagata lenei na te iloiloa le vai ‘a lea atunu’u ma lea atunu’u e ‘ave i le fa’atafa gasegase o le tupu. Ua taunu’u le atunu’u, faigatā ua malosi tele le galu, ‘ae peita’i, ua avatu le lavea’i i uta, fa’atali se’i fai ao, ‘ā o’o taeao, masalo o le ‘ā masa, o le malū fo’i lea. Ua o’o i le taeao, ua aumai le avea’i mai uta, so’o se mea lava e ofi ai le va’a, ua ava loaloa gatai o Malaetele ma Avaloa, Malae o vavau e o’o lava i Tufue’e, faapēnā lava e o’o lava i Matafele. Ua ofi le fua a le atunu’u i uta, ma ua iloilo ai le vai a le atunu’u ma lea atunu’u e ave i le fa’atafa gasegase. O le ala lea na mafua ai le igoa o “Avaloa” auā ua avaloaloa le mea, ua so’o se va’a lava e ofi mai. E le ‘o le ava po ‘o se avaava a ua avaloaloa uma gataifale mai Matafele, Malaetele, Avaloa, e o’o lava i Tufue’e. O le mafua’aga lenā o le igoa “Avaloa” i le ‘āiga i Avaloa.

 

Ua o’o ina iloiloina lea atunu’u ma lana vai na aumai e ave i le fa’atafa gasegase o le tupu o Tuimanu’a. Ua maua ai nei e le tulafale o Tupua Taliva’a ma to’oto’o o le fale’ulatautagata o le atunu’u ma lana vai na aumai ‘e leaga. O lenei atunu’u ua maua lana vai e leaga, o To’elau.

O le vai lenei na sau ma le ali’i e igoa iā Tuito’elau. O le vai na aumai e Tuito’elau i le fa’atafa gasegase o le Tuimanu’a, o le “Pugaū”. O le ‘amu fo’i lea e mageso o lo’o iai nei i le sami. A pa’i iai le tino o le tagata, ona mageso lea ma pata e i’u lava ina papala. O le ala lea, na iloilo ai e Tupua Taliva’a le tulafale ma to’oto’o o le fale’ulatautagata, e leaga le vai, ‘aua ne’i avea i le fa’atafa gasegase o le tupu. Ona fai ai lea o le fa’asalaga iā Tuito’elau, e te lē toe fo’i i To’elau, ae o le ‘ā ‘e nofo pea i Ta’ū. O lea o lo’ o iai nei le Tuito’elau i Ta’ū, e o’o mai i ona po nei, ona o lona fa’asalaga, ona o le vai leaga na aumai i le fa’atafa.

 

O le mea na mafua ai le igoa o le ‘āiga i Avaloa. Na mafua ona maua le igoa o Avaloa, ona o le tauvaaga o le mana o tupu. Tauvaaga lea o le mana o tupu sa fai o Tuimanu’a ma Tuitoga. O lenei tauvaaga sa fai atu i Manu’a. Folau mai lea o Tuitoga ma lona mālō o Toga mo le tauvaaga lenei i le mana o tupu. Po ‘o ai e malosi lona mana a’o ai e vaivai lona mana. Malaga mai Tuitoga ma le fua a Toga, ma ua taunu’u i Ta’u. Taunu’u ua po. Ua alu le avea’i iā Tuimanu’a, Tuimanu’a ua taunu’u Tuitoga ma le fuāva’a o Toga o lo ‘o fa’aofi i tuā’au. Ona ua malosi le galu, ona malele mai lea o le malelega o le Tuimanu’a, logo i tai, fa’atali se’i fai ao, ona ua malosi le

galu. Ua o’o i le taeao, ona fai atu lea o le malelega o le Tuimanu’a i le faletolu ma to’oto’o, logo la’ia i tai, ua avaloaloa le gataifale, ua ofi lea i uta le fua o Toga, so’o se mea ua ofi ai le va’a auā ua avaloaloa. O lenā moni, o le mafua’aga ma le taofi e lua i le igoa o le aiga i Avaloa.

Ta’uta’ua ai le suafa to’oto’o o Alalamua:

 

E ese mai ai i to’oto’o e to’atolu o: Fofō, Atiulagi ma Fa’amausili

 

O le mea muamua e ese mai ai Alalamua i le to’atolu lea.

O Alalamua na mua’i pa’i i ao ma pa’ia. Sa avea Alalamua Tauilima ma Tuimanu’a.

 

Lona lua:

O Alalamua na mua’i taunu’u iai ao ma pa’ia, ina ua tautagata ao.

 

Lona tolu:

O le nofoaga o Alalamua na mua’i tūvae ma sulu iai le fale’ulatautagata.

 

Lona fa:

O Alalamua fo’i, o lo ‘o ona tausia le “Malae o Toto’a”

 

Lona lima:

O le āiga Sā Alalamua, na mua’i taunu’u iai le Silia ina ua sau mai Fitiuta.

 

Lona ono:

E le mafai ona fai o se Silia, pe ‘ā lē nofoia le Alalamua.

 

Lona fitu:

To’oto’o o le fale’ula tau tagata.

 

Ina ua ‘aumai le fa’atafa gasegase o le Tuimanua o lo ‘o i le mauga o ao. Ua logologoā le fa’atafa o le ali’i, ona aumai lea o le tala, ua alu ai lenei tama, ua alu alu ona taunu’u lea, i le mea o lo ‘o fa’atā’otolia ai le tupu. Ua taunu’u, saunoa mai lea o Tuimanu’a, Sole, fa’afetai ua e alala mua mai i lo’u fa’atafa gasegase. O le mea lea, ua leva ona ta fia tu, ae leai se isi oute toto’o iai. Ona alu atu lea o le tama, ua toto’o iai le alii, ona tu ai lea i luga Tuimanu’a. Ona malele lea o Tuimanu’a, se fa’afetai, o le mea lea, o le ‘ā ‘e suafa iā Alalamua, auā ua ‘e alala mua mai i lo’u fa’atafa gasegase, ma ‘o oe fo’i, o le ulua’i to’oto’o ua ou toto’o iai ua mafai ai ona ou tu i luga. O mea nei e fitu, ua ‘ese mai ai Alalamua mai le to’atolu o: Fofō, Atiulagi ma Fa’amausili i le nofo a to’oto’o, o pou lava ia e fa o le fale’ulatautagata.

 

____________________________________________________________________________

O ALALAMUA TAUILIMA 2 (LAITITI)

Alalamua Tauilima 1(Matua) sa usu i le tama’ita’i o Pele’ese le alo e fa’asino ia Tuimanu’a Ta’alolomana Moa’atoa ma Tu’upule Fa’amausili(f) i Lalopua fa’ae’e le gafa o:

Alalamua Tauilima 2(Laititi)

Taui’afa Alalamua(f)

( O Ta’alolomana Moa’atoa Tuimanu’a na usu iā Tu’upule Fa’amausili(f) fa’ae’e le gafa o:)

– Pele’ese Moa’atoa Tuimanu’a(f)

– Toliutafā(f)

– Tūpolō(m)

– Seiuli(m)

 

O Alalamua Tauilima 2(Laititi) o le atali’i o Alalamua Tauilima(Matua) na usu i Si’ufaga

(Fasiaua’ai po ‘o Feseuova’ai) i le afafine o Leasau Leatulagi ma Lagitasia Nua(f) e suafa ia Tai’au Leasau(f) fa’ae’e le gafa o le tama o:

Taule’alo Alalamua 1(m)

 

 

Taule’alo Alalamua 1- o le tama mai Avaloa, na usu i Faleasao i le tama’ita’i o Naimanu Ma’o(f) le afafine e fa’asino ia Sifaleetasi Ma’o ma Salaiali’i Mauga(f) fa’ae’e le gafa o:

Lagisolia(f)

Utuelieli Alalamua(m)

Taule’alo Silia Alalamua(m)

 

** O le teine lenei o Naimanu Ma’o(f) e to’afa(4) ona tuagane ae to’atasi lona uso:

Gogo Ma’o(m)

Seupule Ma’o(m)

Momo Ma’o(m)

Toloa Ma’o(m)

Sasimanu Ma’o(f)

 

O le teine o Lagisolia(f) na usuia e Atiulagi Su’ena mai (Manuvai Si’ufaga) le atali’i e fa’asino iā Atiulagi Tu’ua ma Lēmāinaleta’ui Levao(f) fa’ae’e le gafa o:

Samuela Alalamua Atiulagi(m)

Natano Savea’ena Atiulagi(m)

Apisaloma Silia Atiulagi(m)

Pine Atiulagi(m)

Siopea Pele’ese Atiulagi(f)

Lēmāinaleta’ui (Lēmā) Atiulagi 2(f)

 

>> Alalamua Samuela Atiulagi(m) na usu i Ofu i le afafine o Lago’o e suafa ia Tina Lago’o(f) fa’ae’e le gafa                                                                                           o:

Talaileva Lago’o Alalamua(m)

Fu’a Alalamua(m)

Tafa’ilagi Alalamua(f)

Faiisiota Alalamua(f)

Sitote Alalamua(f)

Tausaafi Alalamua(m)

Falemaai Alalamua(f)

 

>> Natano Sāvea’ena Atiulagi(m) na usu i le tama’ita’i o Fetuta’i Li, o le afafine o Li Petuela i Si’ufaga                                                                                  fa’ae’e le gafa o:

Fa’alaulā Sāvea’ena(f)

Le’imoa Sāvea’ena(f)

Ava’e Alamauta Sāvea’ena(f)

Anoalo Sāvea’ena(f)

Fa’alaulā Sāvea’ena 2(f)

Tupuitoga Sāvea’ena(f)

Tupuioge Sāvea’ena(f)

Fa’atalaleu Sāvea’ena(f)

Rev. Fa’alepō Sāvea’ena(m)

Maeva Sāvea’ena(m)

Natano Sāvea’ena 2(m)

 

++ Fa’alaulā Sāvea’ena(f) na usu mai ai Tuifea Gāoā Namulauti(m) fa’ae’e le gafa o:

            +++ Fa’atalaleu Namulauti(f)

            +++ Vaipunalagi Namulauti(f)

            +++ Fa’alepō Namulauti(m)

            +++ Feosofa’i Namulauti(m)

            +++ Natano Tuifea Namulauti(m)

            +++ Māeva Namulauti(m)

            +++ One’avea Namulauti(f)

            +++ Aluvale Alamauta Namulauti(f)

            +++ Lelea’i Namulauti(f)

            +++ Mulivai Sāvea’ena Namulauti(m)

            +++ Avalua Namulauti(f)

 

++ Ava’e Alamauta Savea’ena(f) na usu mai ai Arthur Pa’u Young(m) ona iai lea o le tama o:

           +++ Tauilima Lauifi Sāvea’ena(m)

> Na usu i le tama’ita’i o Aogāsolo Salausa(f)

Ona toe usu mai lea o Pio Ma’ae mai Taputimu ia Ava’e Alamauta Savea’ena(f) fa’ae’e le gafa o:

          +++ Avei Lay Ma’ae(f)

          +++ Māeva Pio Ma’ae(m)

          +++ Rev. Alo’ese Pio Ma’ae(m)

          +++ Sīvā Ma’ae(f)

          +++ Tito Manusamoa Ma’ae(m)

          +++ Vaipā Ma’ae(f)

          +++ Fetūta’i Ma’ae(f)

 

++ Anoalo Sāvea’ena(f) na usu atu iai Patea Semo Sāelenu’u(m) mai Leloaloa fa’ae’e le gafa o:

           +++ Fāliu Taufoua Semo(f)

           +++ Suatumua Robinson Lopi Semo(m)

           +++ Vailu’ulu’uotuimanu’a Lētausu’ea Semo(f)

           +++ Lēiloa Vaipā Semo(f)

           +++ Sara Salaiali’i Semo(f)

           +++ Feosofa’i Sa’ilinu’u Semo(m)

           +++ Manu’atele Semo(f)

           +++ Salave’a Onesemo Semo Jr.(m)

           +++ Julliana Semo(f)

           +++ Fia Semo(f)

           +++ Bert Manutau Semo(m)

 

++ Rev. Fa’alepō Sāvea’ena(m) na usu i le afafine o Asimama i Moata’a e suafa ia Falefusi Asimama(f)                                                                           fa’ae’e le gafa o:

          +++ Vaisā Fa’alepō(m)

          +++ Sarai Fa’alepō(f)

          +++ Limasene Fa’alepō(f)

          +++ Talalelei Fa’alepō(m)

          +++ Aunu’u Tinoimālō Fa’alepō(m)

 

++ Māeva Sāvea’ina(m) na usu i le afafine o Le McMoore i Utulei e suafa ia To’a McMoore(f) fa’ae’e le gafa o:

           +++ Iuni Maeva(m)

           +++ Toefua Jeff Maeva(m)

           +++ Vili Maeva(m)

           +++ Maluafou Maeva(m)

           +++ Tausa’afi Maeva Savea’ena(m)

           +++ Luāao Maeva(m)

           +++ Fetūta’i Maeva(f)

           +++ Siuta Savea’ena(f)

           +++ Hana Maeva(f)

           +++ Pele’ese Maeva(f)

           +++ Richard Maeva 2(m)

 

>> Apisaloma Silia Atiulagi(m) na usu i le tama’ita’i o Tu’u(f) le afafine o Fautanu i le afio’aga o Masefau                                                                           fa’ae’e le gafa o:

Timu(m)

Usu Timu i le afafine o Fiu i Leone e suafa ia Fale(f) fa’ae’e le gafa o le tama o:

Leatuali’i(m)

Na toe usu Apisaloma Silia Atiulagi(m) i le afafine o Sao i Si’ufaga, o le tama’ita’i o

Fa’amalepe Sao(f) fa’ae’e le gafa o le teine o:

Anoimālō Apisaloma(f)

O le teine o Anoimālō Apisaloma(f) na usu mai ai Fa’asuka Afoa Lutu mai Fagatogo fa’ae’e le gafa o:

Sipili Lutu(f)

Fesilafa’i Lutu(f)

Faletao Afoafouvale Lutu(m)

 

>> Pine Atiulagi(m) o le tama lenei e le’i faiava, na oti o ia e le’i faia so na to’alua.

 

>> Lēmāinaleta’ui (Lēmā) Atiulagi(f) o le teine, e oti e le’i nofo i se tane.

 

>> Siopea Pele’ese Atiulagi(f) na usu mai ai Taunu’uga Tulifua(m) fa’ae’e le gafa o:

Talavale Savea’ena Tulifua(m)

Na usu i le afafine o Fia’umi Moliga ma Atoe Tivao(f) e suafa ia Lemoe Fia’umi(f) fa’ae’e le gafa o:

Taunu’uga Talavale Tulifua(m)

Talaoleva Tulifua(m)

Taliileva Tulifua(f)

Sauiletufuga Leatualii Tulifua(m)

Mativa Tulifua(f)

Aoa Soa Tulifua(f)

Talāluma Tulifua(f)

Olita Tulifua(f)

Fanoga Tulifua(m)

La’auli Tulifua(m)

Fa’afo’i Tulifua(f)

Fa’afetai Toamālō Tulifua(m)

Leilua Tulifua(f)

 

La’auli Mua Tulifua(m)

Na usu i le tama’ita’i o So’ia Tu’ivale Ape mai Olosega. O le teine o So’ia e fa’asino ia Ape Apeolo(m) ma Lei’u Matagi mai Olosega fa’ae’e le gafa o:

Siata Mua(f)

Leuta Mua(f)

Ai’aifua Mua(f)

Taumalātou Mua(f)

Fa’afeū Mua(f)

Lu’u Mua(f)

Avaloa S. Mua(f)

Anoimālō Lei’u Mua(f)

Taunu’uga Mua(m)

Fa’iinifoalemālō Mua(m)

Ta’afasa Mua(f)

 

Simealeaga Pele’ese Taunu’uga(f)

Na usu mai ai Siva Taupealoga Talavale Suitila. O le alo e fa’asino ia Usuiali’i(m) ma Silepa(f)

                                                                                fa’ae’e le gafa  o:

Alalamua Alofa Leatuali’i Savini Siva(m)

Alofafaitogafiti Siva(m)

Leaisealofa Siva(m)

Leaisefeau Siva(m)

Rev. Lauifi Siva(m)

Fa’afofoga Siva(f)

Tūloa Siva(f)

Leipusā Siva(f)

Aganoa Siva(f)

Solova’a Siva(f)

Faitolo Usuiali’i Tulifua Siva(m)

Tauatoa Alofa Leatuali’i Siva(m)

Rev. Talailevā Siva(m)

Gāoitupe Siva(f)

Rev. Leatonauga Luamaugā Savini(m)

Talatoga Siva(m)

Fiapito Tulifua(f)

Peresetene (Setene) Tulifua(m)

 

 

=>O le tama o Utuelieli Alalamua po ‘o Alalamua Utuelieli e tolu(3) ana usuga:

 

Usuga 1: Utuelieli Alalamua po ‘o Alalamua Utuelieli:

 

Na usu i le afafine o La’apui mai Fitiuta, o le tama’ita’i e suafa ia Luanu’u La’apui(f) fa’ae’e le gafa o le                                                                                  tama  o:

Po’ese Tuli’au Alalamua(m)

 

Usuga 2: Utuelieli Alalamua po ‘o Alalamua Utuelieli:

 

Na usu i le tama’ita’i e suafa ia Fa’atele Tunupopo mai Sāleatua i Lumā fa’ae’e le gafa o:

Fiapule Alalamua(f)

Tuālagi Alalamua(f)

Tualagi Alalamua(f) na usu mai ai Tofelogo Pola fa’ae’e le gafa o:

Leli’a Pola(f)

Lagisolia Pola(f)

Eline Pola(f)

Ta’ilo Tofelogo(m)

Na usu atu Tau’ave Ma’ona mai Ofu i le teine o Lagisolia Pola(f) fa’ae’e le gafa o:

>Tilotilo Faoa (sa nofo i le suafa Faoa i Ofu)

>Mālō Faoa(f)

>Keila Faoa(m)

>Leli’a Faoa

>Su’eina Faoa

>Lēfeiloa’i Faoa

>Tuvale Faoa(f)

>Taufoli Ma’ona Faoa(m)

 

Usuga 3: Utuelieli Alalamua po ‘o Alalamua Utuelieli:

 

Na usu i le taupou o Alofau i Tutuila e suafa iā Levā Faumuinā fa’ae’e le gafa o:

Alai Magalei Alalamua

Laufuti Alalamua

Setoga Alalamua

Salamina/Salomina

Moetoto Alalamua

 

=> O le tama lenei o Taule’alo Silia Alalamua, o le uso o Alalamua Utuelieli. Na usu i le afafine o Tofelogo e                                suafa iā Tā’ele’ese Tofelogo(f) fa’ae’e le gafa o teine e to’afa(4) o:

Fuafanua Silia(f)

Tau’ave Silia(f)

Lē’uma Silia(f)

Tuaotala Silia(f)

(E to’alua e pā, ‘ae lua teine e fananau)

 

Fuafanua Silia(f)- na usu mai ai Fa’amausili Sili’aivao(Aivao) fa’ae’e le gafa o:

* Poumele(Pomele) Le’ie Fa’amausili(m)

* Lagi’ula Fa’amausili(f)

* Fa’ailo Siliaivao(f)

* Posiulai Siliaivao(f)

* Fa’alilo Siliaivao(m)

* Punimatagi Siliaivao(m)

* Eveni Siliaivao(m)

* Peru Siliaivao(f)

 

- Poumele(Pomele) Le’ie Fa’amausili(m) na usu i le afafine o Pa’u Tuumamao Tuiolosega ma Fuafanua                              Silia(f) i Olosega e suafa ia Aliiao Valasi Pa’u Tuumamao(f) fa’ae’e le gafa o:

Lagituaiva Pomele(f)

Velova’ā Pomele(m)

Vaimanino Le’ie Pomele(m)

Ta’ele’ese Pomele(f)

Ao’ātoa Fa’amausili Pomele(m)

Tau’ave Pomele(f)

Koke T. Pomele(m)

Fa’amausili Fa’aluaina Pomele(m)

Pule’ava Pomele(m)

Tulipō Pomele(m)

Asiasiga Pomele(f)

Tali Pomele(f)

Malae Pomele(f)

Salasala Pomele(f)

Vao Pomele(f)

Lagiula(f)

Aliitasi(f)

 

 

- Lagi’ula Fa’amausili(f) na usu mai ai Mata’u Fetalia’i Tauiliili mai Fitiuta fa’ae’e le gafa o:

Fa’atonu Fetalia’i Tauiliili(f)

Malaki Taule’alo Togitufa(m)

Malaki Tauiliili(m)

Patea Enosa Tauiliili(m)

Punipuni’olo Tauiliili(m)

Susana Tauiliili(f)

Fa’amata’u Tauiliili(f)

Malaeovavau L. Tauiliili(f)

 

- Usuga 1: Fa’ailo Sili’aivao(f):

Na usu mai ai Agatonu Nua le atali’i o Nua mai Si’ufaga fa’ae’e le gafa o:

* Maligi(maliu)

 

- Usuga 2: Fa’ailo Sili’aivao(f)

Na usu mai ai le atali’i o Vo’a mai Olosega e pa, e le fanau Fa’ailo i le atali’i o Vo’a.

Tuaotala Silia le afafine o Taule’alo Silia Alalamua. Na usu mai ai Harold Mamoe Ieremia le atali’i o Ieremia mai Saleimoa i Upolu fa’ae’e le gafa o:

* Luamauga (Lua) Mamoe(m)

* Lesolo Haro Mamoe(m)

* Luanei Mamoe(f)

* Eveni H. Mamoe(m)

* Smith(Simati) Harold Mamoe(m)

* Ieremia Mamoe Jr.(m)

* Tuālatai N. Mamoe(m)

* Lele Mamoe(m)

* Moana Sataua Mamoe(f)

 

** (O Tau’ave Silia ma Le’uma Silia, ‘e leai ni a la fanau e pā i la’ua)

 

___________________________________________________________________________

 TAU'IAFA ALALAMUA(f)

(Tau’iafa Alalamua) O le afafine o Alalamua Tauilima 1 (Matua), o le tama a Pele’ese(f). O Tau’iafa Alalamua o lona tuagane o Alalamua Tauilima 2 (Laititi).

 

O le gafa o le tama’ita’i o Tau’iafa Alalamua:

 

Taui’afa Alalamua o le teine Avaloa. Na usu mai ai Tiamā Nanai le atali’i o Nanai fa’ae’e le gafa o le tama o:

Feagaimaali’i Nanai(m)

 

O le tama o Feagaimaali’i(m) na usu i Malaetele i le afafine o Tulifua e suafa ia Sofē Tulifua(f) fa’ae’e le                                                                              gafa  o:

Lepepa Nanai(f)

La’ala’aiao Nanai(f)

Lei’uga Nanai(f)

Togisala Nanai(f)

Tuimanu’a Elisara Nanai(m)

Nonoi Nanai(f)

Fa’anā Nanai(f)

Nofoaga Nanai(f)

Fua’ega Nanai(f)

Savaliitoga Nanai(f)

> Lepepa Nanai(f) na usu mai ai Muliaga Ale Sotoa mai Māsina fa’ae’e le gafa o:

Peiai Sotoa(f)

Sopolagi Sotoa(f)

Auga Sotoa(f)

 

> Nofoaga Nanai(f) na usu mai ai Taufete’e i le afio’aga o Nu’uuli fa’ae’e le gafa o:

Samalaulu(f)

Mulu Taufete’e(m)

 

> Nonoi Nanai(f) na usu mai ai Vaoigauta mai Ofu fa’ae’e le gafa o:

So’olepu

Sailinu’u

 

> Tuimanu’a Elisara Nanai(m) na usu i Upolu i le afafine o Tofaeono i le (Vaimauga o le Tuamasaga) e                                                     suafa  iā Vaotupu Tofaeono(f) fa’ae’e le gafa o le teine o:

Si’upolu Tuimanu’a(f)

* O le tama’ita’i o Si’upolu(f) na usu mai ai Arthur Joseph Ross mai Fagatogo fa’ae’e le gafa o:

– Violet Samala’ulu Ross(f)

– Elizabeth Fiapule Pat Ross(f)

– Woodrow Wilson Aelauopo Ross(m)

– Bessy Jerry Fofoa’ivao’ese Fa’atele Ross(f)

 

> Fa’anā Nanai(f) na usu mai ai Tufele Sililauga fa’ae’e le gafa o:

Lealofisaotuimanu’a Tufele(f)

* O le teine o Lealofi(f) na usu mai ai Sufalī mai Lufilufi fa’ae’e le gafa o:

– Sufalī Sufalī 2(m)

– Moetoto Sufalī(m)

– Lealofi Sufalī 2(f)