FA'ASUAGA LE AFIOGA I LE FAATUI O LE MOTU
TUITELE PENITILA SALATIELU TO'OMATA
FA'ALUPEGA
Afio lau afioga Tuitele o le fa’atui o le motu
Susū ai Faiivae o le malu o le fale
Alaalata’i tama matua iā Olo ma Leoso
Susū ai Avegalio o le ati ma’upu
Susū Tuiteleleapaga ma afioga i le ma’ava iā Ilaoa ma Toomata
Fetalaiga tumalele iā Salave’a ma Salave’a, ma vae o le to’oto’o iā Fiu ma Maiava
Ma upu ia te oe Fofō ma Alataua
Tulouna le pa’ia tele o le afio’aga, o pa’ia mai le vavau e o’o i le fa’avavau, tau ia ina ‘ou saua i le va ‘ina ne’i o’u malaga loa ae se’i o’u afeaina lape o upu i sala le gagana, auā e faigatā Samoa o le aomamala i le fa’asouga o ao ma le atufolasa. O le pa’ia ma le mamalu maualuga o le afio’aga i ona tulaga fa’alupelupeina. Aiga o tupu, Aiga o pāpā, Aiga o nofo. E leai se na te gafataulimaina, auā ua ta’o’oto a’o ni alao’o. O le fale tulutulu i tao a’o le fale fo’i e tulutulu i moana. O le vao filifili, o le fue lavelave, o le i’a iviivia, fai mai a sēsē lona auauina, e laoa ai le tagata, tulou. O le ala fo’i lea ua si’i ai lo’u va’a, e ala i le mafua ali’i ua laga, ona o lo’u fia pa’i i le vai o le tama talu ‘ata ua totō o le ‘ava. E i ai ona ‘ou valuvalusia a’a o le la’au pe tēfā le tauala i le tōfā ma le faautaga i le pa’ia o le afio’aga ua mafua ai ona ‘ou le utuvai i le fuiniu, ‘ae ua ‘ou utuvai i le fuisa’a e afua atu i lenei galuega, sa fa’atalatalanoa ai ni isi o tua’ā matutua ma toe ulutaia o le afio’aga ua mafua ai ona tatala le ato ponapona e ala i le fa’asoa.‘E leai se ‘atoa i le liu o lo’u va’a pe ana le o gatasi ma le finagalo o le Atua, semanū e atafasaina fa’afuga o la’au e to’ulu lenei faamoemoe . E matua atu iinā, ‘o ‘oe o le matua faitama.
‘Afai e iai se mea e fa’aletonu i luga i lenei 'upega o tafa’ilagi, ia fa’amagalo le auauna, auā ‘ou te talitonu o lou leo o le a manuia ai lenei taumafaiga vaivai. E poto lava le tautai, ae sēsē ma 'ela ai le va'ai.
EKALESIA FA'APOTOPOTOGA KERISIANO AMERIKA SAMOA (EFKAS) I LEONE
SIONA LE MAUGA PAIA
EKALESIA A IESU KERISO O LE AU PAIA O ASO E GATA AI I LEONE
CHURCH OF JESUS CHRIST OF LATTER-DAY SAINTS (LDS) IN LEONE
EKALESIA FA'APOTOPOTOGA A LE ATUA (ASSEMBLY OF GOD) ALOFA TUNOA MINISTRIES IN LEONE
LIONS OF JUDAH
EKALESIA FA'APOTOPOTOGA A LE ATUA (ASSEMBLY OF GOD) IN LEONE
CALVARY TEMPLE
EKALESIA ASO FITU O LE TOE AFIO MAI I LEONE
SEVENTH DAY ADVENTIST CHURCH (SDA) IN LEONE
PULEAGA KATOLIKO SAMOA PAGO PAGO I LEONE
KOLUSE PAIA
EKALESIA METOTISI SINOTI AMERIKA SAMOA I LEONE
ARETO O LE OLA
EKALESIA FA'APOTOPOTOGA A LE ATUA (ASSEMBLY OF GOD) I LEONE
LEONE MIRACLE ASSEMBLY OF GOD
O FANAU A LIU MA TIMENA AUMAVAE
Na usu mai Ilaoa Aumavae i le afafine o Faiʻivae So'oto e igoa ia Vaivaiopuaʻa. E toʻalua le la fanau, o teine o Fatumalala ma Saitosua.
O Liumotumotua'anaileafi (Andrew), o se tasi o alo a Mere ma Enoka. O isi la fanau, e tupuga mai ai la tatou aiga faitele:
- Alesana (James) >> Alesana, Savali (Sunia)
- Pita (Peter) >> Ailini (Fiamalua)
- Iulia (Julia) >> Salave'a Okela,
- Sipi > (Samana), & Sieni
- Si'ainiu Enoka Lelafu >> Toilolo, Ioana
- Fiapapalagi
- Fiapae'pa'e
- Ane
- Alfred
- John
- William
- George
- Mary "Mere"
- Jane
- Anne
Samatau village, Samoa
O le aiga o Tomanetoa i Samatau, Samoa i Sisifo, e tupuga mai ai Enoka. E toʻa fa uso o Enoka Alesana ae tasi si o latou tuafafine. O fanau teine o la latou tuafafine o: Malili (le tinā o: Mafua, Letaʻua, ma Paepae), Masae (le tinā o Sami, Faʻaao, Pasi, Rosa, ma Fenumiaʻi), ma Teuaina (le tinā o: Sifaga, Sofeni ma Nio).
O matua o Timena sa nonofo i le alaalafaga o Amanave. O lana tamā o Esera (Ta'uaiifaiva) Tavai na fanau o ia i Falefa, Samoa a'o lana tinā o Fatuatu Malemo, na fanau o ia i Olosega, Manu'a.
E toʻaono le fanau a Esera ma Fatuatu Tavai. O le la fanau teine o:
- Leafu
- Vaefa
- Tafunaʻi
- Timena
ma le la fanau tama o: Esera ma Muelu
E to'avalu fanau teine a Liu ma Timena:
- Siligoligo
- Mere
- Faufau
- Taulagooleafi
- Sene
- Siainiu
- Iulia
- Paepae
E to'alua fanau tama a Liu & Timena:
- Tusipasi (I)
- Tusipasi Ele'osesamoaa'olepapalagi (Ilaoa Tusi)
Fanau a fanau augatupulaga II
Siligoligo
O Siligoligo na usu mai ai Selemaea, ma maua ai le la fānau o:
- Tutaʻivailili
- Falealo
- Samoa
- Fasitalo
- Seresese
- Kenape
- Timena
- Norman
- Initia
- Raymond "Rimoni"
- Ane
- Liumotumotua'anaileafi
- Floyd
- Rimoni
- Galuegafou
Aumavae
O le usuga muamua a Tusipasi iā Fagasavali Toʻomalatai (Matautu, WS) na maua mai ai o lana fanau o:
- Pemasa "Opi"
- Leone
- Vaipouli "Mataʻua"
Toe usu lea o Tusipasi iā Malaetuʻua Faumui (Matuʻu & Faganeanea, & Manuʻa) ma fananau mai ai o:
- Mary June
- Eddie
- Timena Moana
- Laveitiga Peter
- Samuelu
O Faufau na usu mai ai Sauitufuga Suiaunoa (Nua & Seetaga, Ofu, Manuʻa), ma maua ai o le lā fanau o:
- Uaine Tuitele Suiaunoa
- Pulumuro "Navy" & Pululipano "Army"
- Fiamaua
- Oso'ese
- Alesana & Pita
- Tame
- Timena
- Ipuniuesea
- Tusipasi
- Masefau
- Vaisā
- Ausage
- Laveitiga
- Faufau Siai
O Taulagooleafi na usu mai ai Keila Pritchard (Leone, AS).
O le la fanau toʻalima, o:
- Daniel Raymond
- Rebecca Moana
- Debra Lei
- David Liumotumotuaʻanaileafi
- Ibbha Iddo
O Siainiu na usu mai ai Mose Katina (Pago Pago, AS) i le tausaga 1963. O le la fanau ia:
- Eua
- David
- Sam Ieti
- Joe
- John & James
- Jesse
- Miracle
- Motuga
O Paepae na usu mai ai Simo Tagoaʻi (Poloa & Futiga, AS) ma maua ai o le la fanau o:
- Sina
- Vasati
- Laumata
- Debra
- Mercedez
- Eddie
- Simo
I le taimi nei, e toʻa 166 fanau i le augatupulaga III o le fanau a Liu ma Timena. O loʻo tuputupu ma olaola pea le faitauga o lea augatupulaga e oʻo mai i le asō.
E siliga ma le 160 fanau a le augatupulaga IV a Liu ma Timena. O lenei ua au i le augatupulaga V. O lo'o olaola pea le gafa o Liu & Timena e ala i la la fanau, ma o se fa'amanuiaga sili lenei mo i tatou uma.
Viʻia le Aliʻi mo lona alofa ma lona agalelei i si o tatou Aiga.
Sunrise: February 10, 1956 Sunset: July 19, 2017
Faga Misa. (2023): Liu & Timena Aumavae. Prezi Inc.
Tusia e: Faumuina Sikuka Lomitusi Tama Lomitusi Faumuina. Na fa'aaogaina ai le tusi Siamani a Dr Augustin Kramer Volume1.
TALA I LE TOE FA'AFO'I MAI O LE AO O LE TUITELE
O Maiava lava o le ulu lea o le ‘Āiga Sā Tuitele.
O Tuitele sa nofo i le taimi a’o i tai i le tulaga maota i “Autai” i le Tuitele Palasi Maiava. Lea na tau mai i ai o le tutūliga o ni isi na fa’alogogatā pe na a’atui i le Satele. O lea na tau mai iai ma ua ola mai iā Tuitele.
O Tuitele Palasi Maiava.
O Lilomaiava Nailevai’ili’ili na fai le la taulafoga ma Tuitele Palasi Maiava ma le ‘upu a Lilomaiava:
“O le ‘ā fai le ta taulafoga, āfai o le a o’u mālō, o le a ‘ou ‘aveina le suafa o le Tuitele, ae afai o le a o’u faia’ina, ua ave atu le suafa o le Lilomaiava, ona fa’apea lea ona fai i le tulaga maota i “Autai”.
O Maiava po 'o Tuitele Maiava ma lana fanau teine o Sinagautaala(Tulutuluaolelei) ma Sinagataiala(Tulutulumalu/Tulutuluaolele), ‘e ō ‘e toe ‘aumai le ao o le itumālō po ‘o le motu.
Ona malaga loa lea o teine i va’a, sa aga’i i Upolu e su’e Lilomaiava, ona tau atu lea i le nu’u i Sātapuala ae tali mai iai Satapuala: “E lē o iinei le ali’i, ae ōmai inā tuliloa atu le ali’i, ‘ua malaga i Falelatai. Taunu’u teine feiloa’i ma Lilomaiava. Ona fesili lea o Lilomaiava: “Po ‘o le ā le ala o le faigāmalaga? Ae ta’u atu e teine iai: “Ua ma ōmai ua ‘auina mai ma’ua e le ma tamā e te alofa e avatu le ao o le itumālō ma le motu po ‘o le ‘āiga, ‘ae so ‘o se mea ‘e te finagalo iai ma te ōmai e tausi oe ma tu’itu’i lou tua.
Le aga fa’asamoa lea ‘e lē mafai ona tia’i e ali’i i le aga fa’atupu a le atunu’u, ona nonofo uma ai lea o le ‘au uso lenei i le ali’i. Ona fa’ae’e lea o le gafa o le tama o Momosea(Momoisea) Lilomaiava ma le tama o I’aulualo Tiumaluali’i Lilomaiava
O le tama lenei o Lilomaiava, o le lona ono(6) o ana usuga i le tama'ita'i o Sinagautaala(Tulutuluaolelei) mai Leone fa'ae'e le gafa o le tama o Momo ma le tama o I'a. Ma 'o Lilomaiava Nailevai'ili'ili e mafua ai ona maua le fuaitau e fa'apea: “Na fa’ato’ā pisi ai le vai, na fa’ato’ā potopoto lava ai vae o le Nofoafia”.
O tama lā ia e to’alua e fa’apea le tala sa fai atu ai loa Tulutuluaolelei: “Se’i ō tama nei e asi le ‘āiga o si o ma tamā i Leone.” Ona tafa lea o le finagalo o Lilomaiava, ua malie o le a malaga tama nei e asi ‘āiga o lo lā tinā i Leone. Ona fa’apea lea o Lilomaiava i le tama o Momosea(Momoisea): “Sau inā alu e asi le ‘āiga ma ‘ave le ao o le ‘āiga ma le itumālō po ‘o le motu i Tutuila”. Ona sau ai lea o Momosea(Momoisea) Lilomaiava o le atali’i i le afafine o Maiava Palasi.
E foufou mai le malaga a Momosea(Momoisea) ma ao o le itumālō o le motu o Tutuila, ‘ae fa’alogo ane lea o le tagata e igoa iā Fauitea, ua toe ‘aumai le ao. O le ‘ā alu ma le atali’i o Lilomaiava i Tutuila, ‘e ‘ave iā Maiava Palasi le ‘āiga o lona tinā o Tulutululelei. Ona tulitatao mai lea e Fauitea i Falefā, ua lafi atu ai ma ana ‘au. ‘Ua taunu’u mai Fauitea, fesoasoani atu iai le nu’u o Saleapaga i le fa’ataliga o le faoina o le ao. E taunu’u mai Momosea(Momoisea) ‘ae ta’u iai le isi vaega tele o Falefā, “o lo ‘o iinei Fauitea. O lo ‘o lago’au mai i Saleapaga i le isi pito o Falefā e tau i Faleapuna. O lea, ia ‘e saunia lelei, ona fesoasoani lea o Falefā iā Momosea(Momoisea) le atali’i o Lilomaiava Nailevai’ili’ili. Ae tū loa fo’i ma lona tamā, ua logo iai tala o lea o le ‘ā tau le taua. Tū mai loa ma Lilomaiava, ma Saleutogi ‘ātoa ma Safata ‘ua omai e tau le taua. O le taua lenei na maliu fasia ai le ali’i o Fauitea ae manumālō ai Momosea(Momoisea) ma lona tamā ma Saleutogi ‘ātoa. Ona toe fo’i lea o Lilomaiava. Ae usu ai Momosea(Momoisea) iā Tofoipūpū i Falefā ona fanau lea o le teine ua toe fa’aigoa fo’i iā Tofoipūpū.
Ona alu loa lea o Momosea(Momoisea) Lilomaiava i le va’a i Tutuila. E masani ona feoa’i i va o motu ma ave o lona atali’i e ō ‘e asi le ‘āiga o le tamā o lona tinā.
E taunu’u atu i Leone, o nofo mai Maiava i le ‘āiga. Ua leai se Tuitele. Alu atu loa lea o le tama ua avatu loa le fa’atonuga ma mea na aumai i lona tamā o Lilomaiava Nailevai’ili’ili. “Na ‘ou sau e aumai le ao o le motu o lo ‘o momoli tele mai alofa o lo’u tinā, o lou afafine o Tulutuluaolelei ma Tulutulumalu/Tulutuluaolele. Ona fai atu lea o Maiava: “Sau o le ‘ā ‘e nofo, ae fa’apea atu Momosea(Momoisea): “Leai, oute toe fia alu ‘e tausi o lo’u tamā o Lilomaiava i Upolu ma lo’u tinā o Tulutuluaolelei. Na ‘aumai fa’atasi lava le ao o le itumālō ma le teine o Tofoipūpū e fai ma taupou o Tuitele i le saofa’iga. O le ala lea o le suafa taupou a Tuitele o le “Tofoipūpū”.
