FA'ALUPEGA
Afifio afioga i ma’upu
Susū usoali’i ma taumafaalofi
Mamalu mai le fetalaiga i lo outou to’afa
Ma upu i le Itu’au malosi
Tulouna le pa’ia tele o le afio’aga, o pa’ia mai le vavau e o’o i le fa’avavau, tau ia ina ‘ou saua i le va ‘ina ne’i o’u malaga loa ae se’i o’u afeaina lape o upu i sala le gagana, auā e faigatā Samoa o le aomamala i le fa’asouga o ao ma le atufolasa. O le pa’ia ma le mamalu maualuga o le afio’aga i ona tulaga fa’alupelupeina. Aiga o tupu, Aiga o pāpā, Aiga o nofo. E leai se na te gafataulimaina, auā ua ta’o’oto a’o ni alao’o. O le fale tulutulu i tao a’o le fale fo’i e tulutulu i moana. O le vao filifili, o le fue lavelave, o le i’a iviivia, fai mai a sēsē lona auauina, e laoa ai le tagata, tulou. O le ala fo’i lea ua si’i ai lo’u va’a, e ala i le mafua ali’i ua laga, ona o lo’u fia pa’i i le vai o le tama talu ‘ata ua totō o le ‘ava. E i ai ona ‘ou valuvalusia a’a o le la’au pe tēfā le tauala i le tōfā ma le faautaga i le pa’ia o le afio’aga ua mafua ai ona ‘ou le utuvai i le fuiniu, ‘ae ua ‘ou utuvai i le fuisa’a e afua atu i lenei galuega, sa fa’atalatalanoa ai ni isi o tua’ā matutua ma toe ulutaia o le afio’aga ua mafua ai ona tatala le ato ponapona e ala i le fa’asoa.‘E leai se ‘atoa i le liu o lo’u va’a pe ana le o gatasi ma le finagalo o le Atua, semanū e atafasaina fa’afuga o la’au e to’ulu lenei faamoemoe . E matua atu iinā, ‘o ‘oe o le matua faitama.
‘Afai e iai se mea e fa’aletonu i luga i lenei 'upega o tafa’ilagi, ia fa’amagalo le auauna, auā ‘ou te talitonu o lou leo o le a manuia ai lenei taumafaiga vaivai. E poto lava le tautai, ae sēsē ma 'ela ai le va'ai.
EKALESIA FA'APOTOPOTOGA KERISIANO AMERIKA SAMOA (EFKAS) I NU'UULI
O LE ALA O LE OLA
EKALESIA METOTISI SINOTI AMERIKA SAMOA I NU'UULI
O A'U NEI O LE VINE MONI
PULEAGA KATOLIKO SAMOA PAGO PAGO I NU'UULI
IESU LE TUPU
FIRST SAMOAN FULL GOSPEL PENTECOSTAL CHURCH IN NU'UULI
MALUMALU O PETELI (BETHEL TEMPLE)
O LE EKALESIA A IESU KERISO O LE AU PAIA O ASO E GATA AI I NUUULI
THE CHURCH OF JESUS CHRIST OF LATTER-DAY SAINTS (LDS)
VOICE OF CHRIST FULL GOSPEL CHURCH IN NUUULI "REVIVAL CENTER"
O LE EKALESIA A IESU KERISO O LE AU PAIA O ASO E GATA AI I MALAEIMI
THE CHURCH OF JESUS CHRIST OF LATTER DAY SAINTS IN MALAEIMI
EKALESIA FA'APOTOPOTOGA A LE ATUA (ASSEMBLY OF GOD) I VAITELE NUUULI
AMAZING GRACE
NUUULI "JESUS SAVES" EKALESIA FA'APOTOPOTOGA A LE ATUA (ASSEMBLY OF GOD)
O A'U NEI LE ALA UPU MONI MA LE OLA
EKALESIA A KERISO (CHURCH OF CHRIST) I NUUULI
EKALESIA FA'APOTOPOTOGA A LE ATUA (ASSEMBLY OF GOD) I MALAEIMI
CORNERSTONE ENGLISH SPEAKING SERVICES
VI'I O LE AFIO'AGA O NU'UULI
O Nu’uuli o si o’u nu’u moni
E liliu ai lo’u taofi
E agi mālū, le sau o le nu’u
Tafaoga a teine ma tama, i luga o le moli o le pala
Oso le fetū ao, o Samoa fo’i ua ao
Le masina e ua vaaia i luga o mauga
Ae nofo a’u i Nu’uuli i o’u mafaufauga
Ae oute le fa’agaloina, o la’u pele tasi mai Tutuila
O le la o Samoa, e pupula mai e atoatoa
Itu’au malosi e ‘a’asa
Ma oe ne’i sa’e lou va’a, e te fia iloaina
E tatau iā ita
Ae oute lē masalosalo, e tu’u pea i lou finagalo
Fetu o le lagi, o afea e mai ai sau tali
Tulou ia Samoa i ou sa, i la’aloa o sa’u gagana
Tala’aga o le sā o le manulele tausala
E le tau fa’amatalaina, ua iloa uma e Samoa
Le se’e a le manulele tausala i luga o le vasa
Afifio afioga i ma’upu,usoalii ma taumafaalofi
Puipuiga malu i le fetalaiga i le tou to’afa
Ma upu iā Ituau malosi
O mamalu na o lo’u nu’u moni
Nuuuli, e le galo oe, o oe o lo’u tofi
Tali:
E le manulele tausala se’ese’e maia
Fa’atamali’i lau folau mai i luga o le vasa
E mamae le tava’e i ona fulu
Le muatolu ia teu i lou ulu
Lanu pa’epa’e o si o’u sei i lo ta atunu’u
Manutafea ua fa’amālō
I lou tofi o le sailimālō
E faamoemoe lau kapeteni le Atua poto
Faamālō i lau komiti, le finau ae le faafiti
Vaavaalua i talosaga le Atua silisili
Pa tele pea o le motto, ma ia teu mau i si o’u loto
Galulue fa’atasi ma le finagalo o le Atua poto
O le Isaraelu moni lava, e susu’e mai le fa’amalama
Ma tilotilo mai i si ona nu’u, ‘e pele i le agaga
Nuuuli e, aua ne’i gae’e
Ua ‘e masani mea tetele
O le mua o le mea e tafea
A’o le fai uso e tumau pea
Manulele tausala ‘e tamāli’i i so’o se mea